Жағымсыз әсері

Дәріге аталған жағымсыз реакциялары тосын хабарламаларға негізделген, сондықтан оларға III Халықаралық медициналық ғылыми ұйымдар кеңесінің (ХМҒҰК) жиілік санаттары бойынша жіктеу қолданылмайды. Келесі жүйелер жағынан бұзушылықтар болады, бірақ олар жүйелі емес:
иммундық жүйе жағынан: өте сирек аллергиялық реакциялар – бөртпе, қышыма, есекжем, Квинке ісінуі және анафилаксия;
метаболизм және тамақтану жағынан: бүйрек функциясы бұзылған емделушілердің препараттың үлкен дозаларын ұзақ уақыт қабылдауы артық дозаланумен байланысты реакциялардың – гипермагниемия, гиперкальциемия және алкалоз, бұл асқазан-ішек жағынан симптомдардың (жүрек айнуы, құсу, іштің ауыруы, диарея, іш қату) пайда болуына және бұлшықет әлсіздігіне әкелуі мүмкін.
Сүт-сілті синдромына байланысты пайда болатын жағымсыз әсерлер: дәм сезудің жоғалуы, бас ауыруы, азотемия, кальциноз және астения (әлсіздік).

Арнайы ескерту

Ұзақ қолданудан және артық дозасын қабылдаудан сақтану керек. Ренниді® емделу үшін 2 аптадан артық қолдануға болмайды. Егер симптомдар сақталса, онда асқазан-ішек жолдарының ауыр ауруларының, мысалы, ойық жаралы зақымдардың бар-жоғын анықтау керек, ол үшін дәрігермен кеңесу ұсынылады.
Жоғары дозаларда ұзақ уақыт қолдану, әсіресе бүйрек жеткіліксіздігі бар емделушілерде гиперкальциемия, гипермагниемия және сүт-сілті синдромы сияқты жағымсыз әсерлердің пайда болуына әкелуі мүмкін. Бүйрек қызметі бұзылған емделушілерге препаратты тағайындаған кезде қан сарысуындағы магний, кальций және фосфат концентрациясын ұдайы бақылап отыру керек, ұзақ уақыт қабылдауға болмайды, ұсынылған дозалардан асырмай қабылдау керек.
Ренни® таблеткаларын көп мөлшерде сүтпен (бір литр сүтте 1200 мг-ға дейін кальций болуы мүмкін) және сүт өнімдерімен бірге және ұзақ қабылдау бүйректе тастың пайда болу қаупін арттырады.